Gavekort kan nyttast på alle Baroniet Rosendal sine arrangement sesongen 2025.
- Kulturprogram for 2025 blir offentleggjort fortløpande
Årskort for sesongen 2025: enkeltperson eller familiekort.
Gunstige prisar om du kjøper årskort før sesongopning 1.mai 2025:
Kr 230 for enkeltperson (kr 490 etter 1.mai 2025)
Kr 450 for familie (kr 680 etter 1.mai 2025)
Program:
Kl. 16.00 utstillingsopning i slottets vinkjellar
Hanne Borchgrevink, maleri. Introduksjon ved Gunnar Danbolt
Kl.18.00 konsert i Riddersalen
Offisiell opning av sesongen. Konsert ved Leif Ove Andsnes, klaver
Baroniet Rosendal har gleda av å invitera til eit spanande hageseminar våren 2025, der vi dykker ned i 350 år med nyttehagetradisjon i Rosendals Have. Professor Annegreth Dietze, Baroniet sin forskar og professor i hagekunsthistorie ved NMBU, vil leie dagen og gje eit unikt innblikk i hagens utvikling.
Finn Tokvam er blitt kalla inkarnasjonen av Vestlandet. Den varme og folkekjære artisten har hatt stor suksess med si første soloforestilling - Velkomen. No kjem han endeleg til Rosendal! Finn er full av underfundige historiar, musikk og humor, presentert på hans heilt særeigne vis.
Sytti år etter at kunstmalaren Lul Krag (1878-1956) forlet Rosendal, står natur- og kulturlandskapet høgt på den internasjonale dagsorden. Lul var født på Kongsberg og fekk utdanninga si i Oslo, London og Paris, men henta inspirasjon frå austens filosofi og landskapet i Rosendal.
Kven var så denne omtykte men sky kunstnaren, som skapte sin heilt særeigne kunst i Rosendal, og kva er det ho prøver å fortelja oss? Denne filmen er ei reise gjennom livet til Lul Krag, tankane hennar, kunsten ho skapte og arven etter henne.
Bli med på ei spennande reise gjennom historia laurdag 14. juni, når Baroniet Rosendal inviterer til ein innhaldsrik dag med temaet Kvinnene på Rosendal. Her får du høyra om sterke kvinner som har sett sitt preg på historia, fortalt av leiande ekspertar på feltet.
Det beste av det dei har gjort kvar for seg - og saman - samt eit godt dryss av både Stavanger- og Bergenshumor.
elle melle består av Odd Erik Ognedal, Svein Hyttebakk og Jon Konrad Strøm. Dei fleste vil kjenna att låtar som Frokost På Kafe, Ikkje Vekk Meg Når Du Går, På Denne Tiå Her I Fjor, Du Sko Vært Her Nå, Ser Du Då At Eg E Din, og ikke minst klassikaren Himmelhøge Sti.
Skaug er både musikar og ein av Noregs mestselgjande poetar, med tekstar som vert delt vidt og bredt.
Våren 2025 opnar Trygve Skaug att nok ein gong hjartet sitt for verda med albumet «Ikke Slipp».
Tittelsporet har allereie funne vegen ut i lyset, og Trygve held fram med si trufaste rytme – to album i året, som ein puls og i takt med tida
Bjørnstad kjem med ny solo piano-plate våren 2025, albumet har namnet « Evening Song.»
Som Ketil Bjørnstad sjølv seier; Solo-konsertane har alltid vore grunnlaget for min musikalske karriere.
Dei markerer byrjinga og slutten. Aleine med flygelet oppstår det ei særeigen og nær kontakt med publikum som påverkar dei musikalske valga undervegs.
Jonas Alaska er ein av sin generasjon sine sterkaste låtskrivarar her i landet, og står bak minneverdige låtar som «October», «If Only as a Ghost», «In The Backseat» og «Morning Light». Han var trippel Spellemannominert for sitt debutalbum, og har sidan den gong sleppt fem album som alle har fått strålande mottaking, både i og utanfor Norge.
Med songar som «Om du vil», «Selmas sang» og nyleg «Vendepunkt» har Eva Weel Skram vorte ein av våre mest folkekjære artistar. Skram sitt tredje norskspråklege album, Vendepunkt, har fått flotte omtalar.
Etter eit halvt århundre i musikkbransjen står Bjørn Eidsvåg som ein bauta i norsk musikkhistorie, og er ein artist svært mange av oss har eit sterkt forhold til. I 2024 fylte han 70 år, og vart overraska i Oslo Spektrum av 5000 vener, kollegaer og fans med overraskingskonserten «Ingen vei tilbake» som vart sendt på NRK1. Vi gler oss til han kjem attende til Rosendal.
Øystein Greni kjem til Rosendal med sin Bigbang solo. I kjølvatnet av Bigbang sitt nye album “Le Californie” og mellom to travle festivalsomrar, tek Øystein Greni det ned eit par hakk med Bigbang i soloformat.
Etter ei lang karriere som bandleiar og låtskrivar har Greni ein backkatalog som få andre, fylt med låtar og gitarriff som vil leva evig i norsk musikk. Denne kvelden får du oppleva mange av Bigbang sine klassikarar i Riddersalen, nært og akustisk.
Kari har dei siste åra stort sett halde konsertar med heile bandet sitt. Men innimellom held ho nokre få, eksklusive konsertar i duoformat med Bengt Hanssen på tangentar. Han er òg produsent for Karis utgjevingar.
"I duoen ønskjer vi å ivareta mykje av det dynamiske spennet i musikken, sjølv om vi berre er to på scena," seier Kari. Ved hjelp av eit ganske omfattande keyboardoppsett gjev vi publikum ei større lydverda enn i eit klassisk duoformat. Det trur vi både songane og konsertane har godt av.
I tillegg til Kari og Bengt er lydmann Geir Østensjø ein sentral medmusikant i besetninga.
På desse konsertane vil publikum få høyre eit breitt utval av songar frå heile katalogen hennar.
Ingebjørg har mest av alt blitt kjent for å tolka eigne og andre sine songar på sin eigen unike måte. Låtar som «Jul i Svingen», «Ingen som du», «På avstand», «Fordi eg elskar deg», «Ljos», «Stjernene» (med Lars Vaular), «Vintersong», «Bror», «Di Ingebjørg» har gjeve ho ein plass i den norske folkesjela.
Thomas Dybdahl er ein av våre beste og mest profilerte musikarar. Han har med sine nydelige album befesta si posisjon som ein av Noregs store artistar og låtskrivarar.
Vi ser han på «Hver gang vi møtes» , i sommar kan du høyre han live på Baroniet Rosendal.
Vamp har utvikla eit spesielt uttrykk i møtet mellom musikk og lyrikk som har truffe den norske folkesjela.
I august 2025 kjem dei tilbake til Baroniet Rosendal for nye store musikalske opplevingar i Riddersalen.
MYKJE STÅK FOR INGENTING – Shakespeares tittel er like vittig og djupsindig som sjølve stykket han skildrar. Kven oppfører seg ikkje som ein narr når dei er forelska, og samtidig lir den største smerta? Denne gnistrande komedien verkar lett som ei fjør heilt til ho brått stuper ned og avdekkjer kjærleikens mørkare sider: svik, sjalusi og sjølve døden overveldar lettelege ordspel, og tragedien trugar. Då skiftar Shakespeare gir og slepp inn klovnane: ein herleg gjeng med udugelege politifolk reddar dagen. Slik sig kjærleiken til slutt med hjelp av bedrag.
Framsyninga vert presentert av TNT Theatre Britain og ADG Europe, som har blitt omtala som “den beste turnerande teatergruppa i verda” (China National TV, 2009).
