Gavekort kan nyttast på alle Baroniet Rosendal sine arrangement sesongen 2026.
- Kulturprogram for 2026 blir offentleggjort fortløpande
Årskort for sesongen 2026: enkeltperson eller familiekort.
Gunstige prisar om du kjøper årskort før sesongopning 1.mai 2026:
Kr 230 for enkeltperson (kr 490 etter 1.mai 2026)
Kr 450 for familie (kr 680 etter 1.mai 2026)
16.00: Utstillingsopning i Borggarden på slottet med Elisa Helland Hansen & Ida C. Helland Hansen
Introduksjon ved Gunnar Danbolt
18.00: Konsert i Riddersalen med Hanne Marit Mordal Iversen, sopran og Revaz Abramia, piano
Velkommen til solokonsert med Leif Ove Andsnes!
Leif Ove Andsnes held fram som kunstnarisk rådgjevar i Baroniet Rosendal, og er ein del av det klassiske kulturprogrammet denne sesongen og.
I denne matinèkonserten får vi oppleva Leif Ove Andsnes i ein konsert som er via til Frèdèric Chopin sin musikk, der finstemt lyrikk, virtuositet og poetisk dybde møtes.
Historisk seminar ved Jørn Øyrehagen Sunde m.fl.
Norsk herregardshistorie – Økonomi og kultur på Baroniet Rosendal og andre jordegods
Øvst i reisekista ligg Renbergs dikt og ein bunt klaverstykker. Musikk og poesi skal møtast på vidt ulike vis. Dei skal halde kvarandre i gjensidig jerngrep, danse blidt, eller skvaldre av garde i alvorslett fjolleri. Her kjem oden til det ufødde barnebarnet, tjuvpakk-visen om dei klåfingra ungdomane og gravtalen for trønderen som fekk reisepass til helvete. I naturleg samspel med Domenico Scarlatti og Harald Sæverud.
I samtaleføredraget Resten av livet snakkar Trond-Viggo og kona Kristin inspirerande og muntert om livet, kroppens aldring og overgangen til pensjonisttilværet – ein fase som kan vere både frigjerande og forvirrande. Med humor, livserfaring og solid kunnskap tek dei oss med inn i eit livskapittel fylt av moglegheiter, men òg identitetsendringar, nye roller og endringar i relasjonar.
I samarbeid med Kvinnherad Senioruniversitet
Hageseminar, Annegreth Dietze-Schirdewahn m.fl.
350 år med tre i Rosendal Have
• Restaurering og pleie av trær, alléer og historiske parkmiljø
• Klimatilpasning, biologisk mangfold og kulturhistoriske verdiar
• Dei gamle fruktsortanes skjulte arv
• Bevaring og bruk av historiske frukthagar
Karoline Krüger og Sigvart Dagsland er tilbake med duokonsert på Baroniet. Alt ligg til rette for ein intim og storslått kveld fylt med folkekjære klassikarar som «Ka e du redd for», «Alt eg såg» og «For vår jord». Gled deg til det beste av alt dei har gjort kvar for seg – og saman – samt eit godt dryss av både Stavanger- og Bergenshumor.
Etter eit halvt hundreår i musikkbransjen står Bjørn Eidsvåg som ein bauta i norsk musikkhistorie, og er ein artist fleire generasjonar nordmenn har eit sterkt forhold til. Nordmenn har eit nært forhold til hans folkekjære songar som «Skyfri himmel» og «Eg Ser». Bjørns nysgjerrigheit på nye musikalske uttrykk har òg ført til mange spanande samarbeid med kjende artistar frå Noreg, Sverige og Danmark opp gjennom åra. Sidan oppstarten i 1971 har Bjørn gitt ut 28 album, spelt ca. 80 konserter kvart år.
Møt Kaizers JanOve – berre han og pianoet. Repertoaret spenner frå heilt nye låtar til tidlege Kaizers-klassikarar, frå solokarrieren til mitt symfoniske og stumteateraktige verk The Mute. Og sjølvsagt nokre overraskingar
Ketil Bjørnstad er utdanna konsertpianist, plateartist og ein av våre mest produktive og lesne forfattarar av ei rekkje romanar og biografiar. Han viste seg tidleg som ei usedvanleg musikalsk gåve.
«Solokonsertane har alltid vore grunnlaget for mi musikalske karriere. Dei markerer byrjinga og slutten. Åleine med flygelet oppstår det ein særmerkt og nær kontakt med publikum som påverkar dei musikalske vala undervegs.» - Ketil Bjørnstad
Eva Weel Skram har alltid vore svært personleg i tekstane sine, og det er ho heldigvis framleis. Med låtar som «Om du vil», «Selmas song», «La meg vere» og «Vendepunkt», er Eva Weel Skram utan tvil ein av dei mest folkekjære artistane vi har her til lands.
deLillos er eit av landets viktigaste pop- og rockband. deLillos blei danna i Oslo i 1984, og blir rekna som eit av dei mest markante banda i norsk musikkliv frå 1980-talet og fram til i dag. Saman med Raga Rockers, DumDum Boys og Jokke & Valentinerne blir deLillos framleis omtala som ein av dei fire store i norsk rockhistorie.
Ein av dei definitivt mest respekterte artistane i landet er igjen klar til å innta konsertscenane over heile landet sommaren 2026.
Ingebjørg Bratland er ein kvedar og visesongar frå Edland i Vinje og ein av dei mest folkekjære og ettertrakta popartistane i Noreg
Vinje-bygdingen har alt ei merittliste dei fleste kan misunne. Med låtar som «Jul i Svingen», «Ingen som du», «På avstand», «Fordi eg elskar deg» – og mange fleire – har ho bora seg inn i den norske folkesjela.
Bratland er mest kjend gjennom låtane og albuma sine, der ho tolkar eigne og andre sine songar på sitt heilt særeigne vis, og når eit stort publikum i alle aldrar.
2026 starta med førsteplass på Spotify med låta «Baby, du er rå!» saman med bandet Hagle.
Noregsvenn- og i tilfellet Oscar Danielson kan ein trygt slå fast at den sympatiske svensken er ein av dei aller beste venene vi har!
Oscar Danielson er sin eigen sjanger, og av mange rekna som Sveriges beste tekstforfattar. Etter albumet «Stockholm i mitt hjärta» (2011) med låta «Besvärjelse» har han fått eit stort publikum og turnert flittig i heile Skandinavia.
No kjem den Stockholm-fødde 49-åringen til Rosendal med eit show som framkallar latter så vel som tårer. Temaet er – sjølvsagt – kvinner. Det er songar om kjærleik, fulle av alvor og djupt menneskelege observasjonar, krydra med humoren som er Oscars kjenneteikn.
Eva Weel Skram og Stein Thorleif Bjella har gjort ein versjon av Oscars låt «Besvärjelse» med norsk tekst, «Vi lover».
I tre tiår har dei levert. Hundrevis av songar om det å vere menneske. Om kjærleik og sorg, mytar og skrømt, ærlegdom og svik, døden og livet. Og havet.
Vamp høyrer til eliten i norsk musikkliv. Dei har utvikla eit særprega uttrykk i møtet mellom musikk og lyrikk som har treft den norske folkesjela.
Dei har oppnådd mengder av heider og ære, mellom anna fem Spellemannprisar, Prøysenprisen og Medaasprisen. Dei har gitt ut 18 album og selt over ein million plater.
Den nyaste utgivinga deira, «Tiå det tar», fekk gjennomgåande strålande kritikkar og høge terningkast frå meldarane, og nokre meinte til og med at dette er den beste utgivinga Vamp har hatt så langt. Katalogen er full av kjende og kjære songar som dei øser av på konsertane sine.
Det kjem fleire høgdepunkt, føl med.
Sjå heile kulturprogrammetTusen takk for besøket i Rosendal. Del gjerne gode minne på Facebook og Instagram: #baroniet. Dersom det er noko du meinar vi bør forbetra oss på, set vi pris på om du kan tipsa med oss på epost info@baroniet.no.
Tusen takk for din omtale på Trip Advisor
